අනුරට කියමි (001)
ආණ්ඩුවක් මාරු විය. ඒ ඇවිත් එසේ මෙසේ ආණ්ඩු මාරුවක් නොවන්නේය. අතිගරු කියන වචනය පැත්තකට තාම ගියේ නැති වුවද අතිගරු ජනාධිපති උතුමන් කියන කතාවට ජනාධිපති අනුර සහෝදරයා යන්න ගොඩක් මිනිස් හදවත්තුළ නලියනවා සේ පෙනෙන්නේය.
දැන් සියල්ල අවසානය. ජවිපේද මාලිමාවද කතා අවසානවන්නේ අනුර සහෝදරයා නිසාය. මොකා මොක කිව්වත් ආයුධ කිසිවක් අතින් නොගෙන අනුර සහෝදරයා ආණ්ඩුවේ ආයුධ සියල්ලේ අයිතිය ගණිමින් මේ කරණ ලද්දේ විප්ලවයක් තමායා. මේකට අර චින්න ධර්මදාසයා අනුරට පමණක් නොව මාක්ස් වාදයට විරුද්ධය. නමුත් ඒකා සමබිම සමග සාකච්ඡාවකදී අලුත් නමක් විදිහට ඒකාගේම කල්ට් නමින් කීවේ නව ලිබරල් වම කියාය. නව ලිබරල් වම හෝ මොක උවත් අනුර සහෝදරයා මාක්ස්වාදය සහ ඊට අදාල ලේබල ගැන කතාකළේ නැත. සැබෑවටම ඒකා මැයිගස් යට ප්‍රචාතන්ත්‍රවාදය කියන වම විසිස් හෙලා දුටු සංකල්පය කරකවා අත හැරියේය. ඒක කරණ ලද්දේ මහ ජනතාවය. ජනාධිපති අනුර සහෝදරයාගේ ලග්නය වෘශ්චික කියා කියන්නේ වැරදීමකින් නොවේය. මන්ද යමෙකුගේ අම්මාගේ නම සහ උපන්දිනය දන්නේනම් වසර සියයක්ද කොහෙද යන තුරු රෝහල්වල ඒ තැනැත්තාගේ උපන් වේලාවේ සිට උපතේ සියලු විස්තර තිබෙන්නේය. උපන් වේලාව නොදන්නා අයගේ උපන්වෙලාව සෙවීමේ බිස්නස් එකක් කරගැනීමේ කලාවක් ලෙස වැඩි ගානක්ගෙන උපන්වේලාව සෙවීමේ ආදායම් මාර්ගයක් ලෙස තක්කඩි ජ්‍යෝතිෂ කාරයෛා් මේ දේ මේ නිමේෂයේද කරන බව මාරස දන්නවාය.
නමුත් අපේ ජනාධිපති අනුර සහෝදරයාගෙන් යමක් ඉල්ලා සිටින මාරස අනුරට කියමු යන පාටය ගත්තේ නිකන්නොවේය. අනූරාධපුරය මහා වංශිකය. නමුත් අද ජය ගත්තේ සීගිරි කාශ්‍යපව පරදා මුගලන් වැනි අදහසක් ඉතිහාසයේ කාව්‍යක්කාරයෙක් වූ සුජිත් අක්කර වත්ත මා සමග පැවසුවාය. ඊට පසු බිහිවන පරම්පරාව ගැන ඒකාගේ කතා පසුවට ලිවීමට තරම් වැදගත්ය. කොටින්ම මහාවංශයටත් චූල වංශයටත් පිටින් සිතන්නට හැකි චින්තකයෝ බිහිවීම අනුර ජනාධිපති සහෝදරයා දිවුරුම් දුන් මොහොතේ සිට ආරම්භ වී තිබෙන්නේය.
නමුත් අනුර ජනාධි පති සහෝදරයාට මාරස අනුරට කියමු පාඨය යටතේ මෙසේ කියන්නේය.
ලංකාවේ අය වැය බැලන්ස් කිරීමට ප්‍රධාන සාධකය වී තිබෙන්නේ මත් පැන් වලට ගසනා බද්ධය. නමුත් තඹ බට වලින් දඟරයක් සාදාගෙන යෝජිත උෂ්නත්වයට පෙරා ගත්තොත් ඊට වඩා මහා විශාල අඩුවකින් අරක්කු ගෙදරම හදා ගත හැක. ඒ නොකරන්නේ අර ඊනියා වික්ටෝරියන් බෞද්ධ සදාචාරය නිසා බව ලියන්නට මාරස වචන නාස්ති කළ යුතු නැත.
ඔබ සහෝදරයාගේ වැඩ සැබෑ ලෙස බලන්නට හැකි වන්නේ පළමු අය වැය කතාවෙන්ය. හැම ජනාධිපතියාම කළාමෙන් අනුර ජනාධිපති සහෝදරයා අරක්කු මිල සම්බන්ධව ජනතා තීරණයක් ගන්නවා ඇතැයි සිතමි. සිගරට්ද ඊට අයිතිය. ජනතා විමුක්ති පෙරමුණටනම් ඒ කාලයේ සිගරට් අරක්කු අරහන්ය. ඒ සම්බන්ධව මාරස මිට කලින්ද මධුලෝලත්වයේ ව්‍යාකරණ යටතේ ලියා තිබෙන්නේය.
ඉතින් අනුර ලියමි කියා මේ ලියන මාරස බොලොග් කොළමේ අරමුණ ජනාධිපති සහෝදරයාව විහිළුවට ලක්කිරීමක් නොවන්නේමය. අනි වාර්යෙන් රජය විසින් වැඩිම බද්දක් ගන්නා අරක්කු සම්බන්ධව වැඩිම ආදායම් බදුගෙවන අහිංසක මිනිසුන් වෙනුවෙන් අර ඉන්දන වලට මෙන් කෝටා ක්‍රමයක්වවත් ඇති කළ යුතුය කියා මාරස යෝජනා කරන්නේ හිතා මතාය.
මහා මුදල් දී විශ්කි බ්‍රැන්ඩි සහ රුසියානු සමාජවාදී නාමයෙන් මිනිසුන් ගසන වොඩ්කා වලට බදු වැඩිකාලාට කම් කිම්. නමුත් මේ අහිංසක ගල් පොල් වෙනුවෙන් බදු වැඩි කිරීමෙන් සිදුවන්නේකෙලින්ම ඒ සකල පවුල් ආර්ථිකය පහලට ගොස් දුක් විඳීම පමණි. ඒ දේශපාලන ප්‍රශ්නයකි.ඒ සම්බන්ධව බල කර ඇඟිල්ලෙන් ඇන කියන්නේ ජවිපේ අමධ්‍යප පක්ෂයක් ලෙස දැක ඇති නිසාය. මාරස කිසි විටක මාලිමාව කියා කියන්නේ නැත. මොන මාලිමාව කිවද අනුර කුමාර ජනාධිපති සහෝදරයා බලයට පත්වූ පසු ජනතාව කියන්නේ මේ ජනතා විමුක්ති පෙරමුනේ ආණ්ඩුවක් කියලාය.
ඒ වගත් එසේය කියමින් "අනුරට කියමි " යන මාරස බ්ලොග් කොළමේ පළමු වැන්න අවසාන කරන්නේ සියළු සුළු ව්‍යාපාරකයන් කියන කස්ටිය මග්බෝධ වී ඇති මොහොතකය.
නමුත් දැනට කළ දේවල්නම් මරු කියා ජනතාව පිළිගනන්නේය. මාරසටනම් අවශ්‍යය වන්නේදැනට නොව ඉදිරියටද අර චීන කොමිනියුෂ්ට් පක්ෂයේ තිබෙන අධිකාරී බලය ජවිපේ නොතිබිය යුතු බවය. ආන්න එතනදී මාලිමාවටද ආදරය කිරීමට මිනිසුන් පෙරමුණ ගන්නවා ඇත. කෙසේ හෝ අනුර ජනාධිපති සහෝදරයා ලංකාව එක මිටකට ගත්තා සේය. ජය වේවා කියා පතමි.
ජගත් මාරසිංහ
2024 11 19
